Ràdio País Gèrs

Aller au contenu | Aller au menu | Aller à la recherche

Devisadas

Fil des billets

mercredi, février 22 2012

Papà Gahús au Cri'Art d'Aush

Par Ràdio País Gèrs le mercredi, février 22 2012, 22:29

Divès, lo 17 de heurèr, Silvan Carrère, cantaire deu grop occitan Papà Gahús qu'èra au micro de Joan-Marc Sutto end'ua Devisada enregistrada au Cafè Gascon avant de pujar sus l'empont deu Cri'Art. Extrèit de l'entrevista :



Aqueth ausèth vengut de Bigòrra damb un ròck enrasigat en la sua tèrra e virat de cap au mond qu'ahuequèc la scèna d'Aush.
Silvan Carrère autor deus tèxtes de Papà Gahús que's reivendica autan de Massilia SoundSystem coma de Nadau ; lo son prètzhèit : balhar fotografias de la vita vitanta, testimònis deu son pòble d'auèi. Aqueste caminament quasi etnologic que passèc tanben per l'escritura d'un libe gessit de collectatges e encarelhat dambe las fotos deu Maurici Roux : "Entre vits e cèu" ençò de Nosauts de Bigòrra.

mercredi, octobre 26 2011

Enquèsta socio-lingüistica a l'entorn de la lenga occitana en Mieijorn-Pirenèus

Par Ràdio País Gèrs le mercredi, octobre 26 2011, 17:04

Divès, lo 28 d'octòbre a 7 oras e mièja deu ser, Max Bajolle, enquestaire peu compte de la Region, que serà au micro de Ràdio País au Cafè Gascon.
La devisada que tornerà sus las condicions deu debanar de l'enquèsta suu terrenh e que permeterà de har lo punt sus la sintèsi dejà publicada peu Conselh regionau lo 29 de seteme. Los resultats, en particular los deu Gèrs, que haràn l'objècte d'ua restitucion publica lo 8 de noveme per Philippe Martin, President deu Conselh generau.
Au parat d'aquera enquèsta, 5000 abitants de Mièijorn-Pirenèus (1000 deu Gèrs) que son estats questionats.
Devisada enregistrada en public e difusada sus las ondas de Ràdio País.