Ràdio País Gèrs

Aller au contenu | Aller au menu | Aller à la recherche

mardi, mars 26 2013

Prima deus contaires de 2013, la primavèra de la lenga.

Dissabte lo 23 de mars lo vilatge gersés de Montesquiu qu’arcuelhè l’edicion ueitau de la Prima deus Contaires. Organizat per l’associacion Ràdio País Gèrs en Gasconha dab lo sostien de l’IEO 32, aqueth hestenau qu’ei dedicat aus contes e contaires. Lo còr de la hèsta que pataqueja au ritme deu concors d’expression orau gascona. Augan, aqueste qu’estó dividit en tres categorias : Joens, amators e professionaus.130323_PrimaDeusContaires_TalherTeatreDeMauvesin1.jpg

Au clavar deu vrespe qu’ac podèvan díser : la prima deus contaires qu’estó tanben la primavèra de la lenga ! La sala d’estar tan plea mancava de cadièras entà arcuélher lo public. Lo monde que podón profieitar de prestacions de grana qualitat. Los joens — qui vienèvan deus collègis de Masseuva, de Mauvesin e d’un talhèr de teatre deu medish lòc — qu’estomaguèn l’assisténcia per la lor mestreja de la lenga e ua mesa en scèna suenhada. Entà çò qui ei de la categoria amators que cau soslinhar ua participacion numerosa e la vienuda de navèths concorrents qui s’i hasèn entau prumèr còp. Poesias, cants, scenetas o contes, nombrosas fòrmas d’expressions qu’estón perpausadas. Lo prèmi deu Capdau deu Conselh Generau — prèmi a la creacion — qu’estó atribuit a quate joens qui presentèn peu prumèr còp ua peçòta suu tèma "24 òras shens electricitat". 130323_PrimaDeusContaire2.jpg

Lo concors que s’acabè dab los professionaus, qu’ei a díser los qui an jà la costuma de contar. Per torn, lo Bernat contaire, Lo Max bajolle, lo Felip Barrèra e lo Bertand Dutilh que contèn a la lor mòda. Lo Bernat Contaire que ganhè l’empont deu salon deu libe d’Aush e lo Felip Barrèra ua residéncia artitistica au Taulèr deu Gat d’Aush. Aabans ua pora farcida plan ganhada, Guilhèm Lopez e Bernat Cauhapè que devisèn dab lo public suu lor tribalh "Imaginaire". Aquesta bèra jornada que s’acabè dab bèths tròçs d’arríders mercés a l’espectacle deus "Frères Carel". L’edicion ueitau de la Prima deus Contaires qu’estó lhèu la mei escaduda de totas, daubuns que s’ac disèvan.

vendredi, février 22 2013

Prima deus contaires 2013 - Lo programa!!!

prima_vilatge.jpg Augan La Prima Deus Contaires que's debanarà dissabte lo 23 de març dens lo vilatge de Montesquiu (32) qui'ns hè lo plaser de'ns arcuélher tad aquèra edicion ueitau. Conferéncia, concors de contes e contaires, animacions entaus mainats, repaish espectacle, la prima que's vòu un gran moment de hèsta e de convivialitat a l'entorn de la lenga.

Un concors entau joenèr, adultes e professionaus! Lo moment hòrt de la prima qu’arrepresenta lo concors de contes e contaires. Totun, tota l’oralitat gascona qu’i tròba la soa plaça. La creacion qu’i ei encoratjada peu biaish deu prèmi deu capdau deu conselh generau deu Gers, un prèmi dedicat a ua creacion navèra e originau. Mantuns prèmis que son perpausats e los participants que pòden presentar un conte, ua sceneta, un poèmi atau plan com ua canta.

Un repaish-espectacle que v’ei perpausat. Umor e gaièra que seràn au rendetz-vos. Au moment deu repaish l’empont que demorarà obèrt. Que v’esperam a cantar, a condar e a ríser ! Les Frères Carel qu'animaràn la serada!

Entà ne sàber mei consultatz lo dossièr de presentacion Prima_deus_contaires.pdf dab tot çò qui cau sàber! Que v'i eperam numerós!

lundi, février 4 2013

PRIMA DEUS CONTAIRES 2013, los FRAIRS CAREL qu'i seràn!

Lire la suite...

mardi, avril 10 2012

Open Acces Now !

CòrnabarriuEn l'encastre deu son engatjament seguit tà deféner los drets deus migrants, Alternativas europèas qu'a aviat, en collaboracion dambe Migreurop e ua coalicion europèa d'organizacions, la campanha "Open Acces now" qui reclama l'accès aus centres de detencion ende las organizacions de la societat civila e endeus jornalistas.
Atau, uns membres deus hialats Educacion Sense Frontèras e Arcuelh Sense Frontèras de Gèrs que participèn lo 4 d'abriu a la campanha de visitas aus centres d'embarrament deus estrangèrs en Euròpa qui se debanava deu 26 de març dinc au 6 d'abriu. Los militants de Gèrs que demandèn lo dret d'entrar dihens lo Centre de Retencion Administrativa de Còrnabarriu situat en cap de pista de l'aeropòrt de Tolosa-Blanhac. Nat panèu de sinhalizacion, nat parcatge. Los centres de retencion que son los lòcs d'embarrament mei inaccessibles de França.
Prumèr, que cau èster pacient, tostemps la medisha sonsaina : trindar a l'entrada...aténder...devisar dambe lo personau deu centre (la polícia de las Frontèras)....aténder, de còps ua ora o mei.... e se véser arrefusar l'entrada ! Que cau sàber qu'an lo dret d'entrar los parlamentaris e sonque. Pr'aquò qu'existish ua solucion : nat centre de retencion non pòt pas arrefusar ua visita tà ua persona designada peu son nom. Mès, per definicion, los clandestins que son monde complètament desconeguts... Alavetz mercés a visitaires qui sortishen o a la CIMADE (associacion qui òbra en centres de retencion tà hornir ajuda juridica) que's pòden arrecaptar quauques noms. Los militants de Gèrs que n'avèvan obtengut un detzenat e podón visitar uas personas embarradas. Los grops de visita que comptan tres personas au maximum. Fabiana Vayrette endeu hialat Educacion sense Frontèras deu Gèrs, Jean Falco, elegit municipau d'Aush e Joan-Marc Sutto ende Ràdio País que podón encontrar Cecilia ua peruviana de 27 ans que demòra en Italia dambe la mair e que tribalha en ua agencia de viatge a Milan dambe un CDI. Qu'anava visitar lo frair espitalizat a Madrid end'un cancèr quan la polícia de las frontèras pujèc en lo son tren (lo Milan-Barcelona) a l'estanc de Perpinhan. Se'n seguiscoc un contròle d'identitat ; la polícia que considerèc qu'èra en situacion illegala suu territòri francés e l'embarrèn au CRA de Còrnabarriu...
Un second grop compausat de Felip Espinasse, deu hialat educacion sense frontèras 32 e de Guilhèm Latrubesse, elegit au conselh regionau Miejorn-Pirenèus, qu'avoc la permission d'encontrar ua auta "retenguda". Aquesta persona de 53 ans tanben de nacionalitat peruviana, qui viu a Barcelona dambe lo hilh, qu'èra anada encontrar amics en Italia dambe la veitura e, en tot tornar, que se hascoc controlar per la policia de las frontèras a quauques centenats de mètres deu son país d'arcuelh... Acabèc lo viatge au Centre de Retencion Administrativa de Còrnabarriu...
Visitaires que's seguishèvan davant l'interfòne end'anar encontrar un amic, un parent, un collèga de tribalh. Mehmet, un kurde de nacionalitat turca demorant a Vilafranca de Lauragués, que venguèva tà véser Inan, lo frair arrestat dins la carrèra i a un mes, establit en França dempèi 3 ans mès qui n'a pas enqüèra papèrs e qui non parla pas tròp plan lo francés. Amarum e desespèr que's legissèvan en los uelhs de Mehmet ; que'ns digoc la mauhisança cap a las autoritats francesa e lo fatalisme deus kurdes qui non son pas enlòc en patz : ni en Turquia ni mès en Siria, ni mès en Iraq ni tanpòc en França.
Los estatjants deu parçan deu centre de retencion, organizats en un "Aròu deus vesins", que son en "prumèra linha" ; ua aficheta pegada a la barralha que balha quauquas entresenhas en mantua lenga dambe numèros de telefòne ende que los "retenguts" alargats (quauque còp a boca de nèit) posquen trobar un arcuelh, un teit, un mejan de transpòrt... Brac : un pauc d'ajuda !
Ua jornada s'acaba, militants e elegits de Gèrs se'n tornan. Doman d'autes que seguiràn tà hèr brut davant lo Centre de Retencion de Còrnabarriu ende non pas desbrembar, end'ajudar, ende testimoniar, ende que los "retenguts" non sian tractats coma criminaus quan non son pas que monde coma vos e jo.

mercredi, mars 28 2012

Prima deus Contaires 2012 : ua capitada !

L'edicion 2012 de la Prima deus Contaires qu'aurà ua plaça a despart en la memòria deus qui la viscón.
Lo dishabte, Maurici GARROS de Miramont d'Astarac que s'emportèc lo Prèmi deu Capdau deu Conselh generau, qui recompensa ua òbra de creacion, gràcias a un conte trufandèr qui ditz lo perqué de la fòrma torçuda deu cloquèr de Barran !
Qu'estèn un detzenat d'adultes e autan de collegians a se pagerar dambe contes, cantas, poèmas o peçòtas.
Au ser, Felip Barrère nos mièc au país de Pirèna tà caminar en las peadas de Joan de l'ors qui n'a pas paur end'arren quitament pas deu diable ni mès de la Mòrt colhonada per Misèria.
Dimenshe maitin la passejada de Freddi Peyresaubes juncada de comptinas, contes e arreproèrs qu'encantèc los caminaires.
Au vrèspe, après un repèish animat coma ne sap hargar Geors Nosella, los musicians de l'ensemble Orquestrau d'Aush e de l'ACPPG que nos auferiscón un gran moment de musica e de conte. Mès deishèm parlar lo president de l'IEO 32 :
"Juste un mot qui sera sans doute maladroit pour parler de ce que je ne connais pas et pour cause puisque c'est sans doute la première fois qu'un projet commun voit le jour entre un ensemble philharmonique et des musiciens "traditionnels". Il serait du reste idiot de ma part de vous décortiquer le spectacle, si vous n'étiez pas parmi les plus de 150 personnes qui étaient à Montesquiou, je vous laisse le découvrir, le voir et l'entendre avec votre corps, votre âme. Il faut se plonger dans cet univers de musique, de chants, de contes... Un immense voyage... Il faut se laisser porter, mieux que par le son, par l'esprit. Une image me vient de ces soirs de fin d'été, face à l'océan, en terre landaise, quand le ciel se couvre de nuages, et que montent les vagues, qu'au loin, à l'infini le firmament rejoint la mer argentée, au ressac brillant de diamants dans la lumière diffuse de la Lune, quelques mouettes étincèlent de leur blancheur furtive. Le vent léger, puissant, monte sa plénitude, son chant... le grand souffle de la musique du temps... Gasconte c'est l'immensité du monde vue de notre terre de Gascogne, l'offrande du savoir et de l'ouverture, la beauté d'un instant de poésie. C'est beaucoup de travail... et c'est enlevé avec légèreté. Merci" - Geors Nosella

Bon spectacle à vous qui les découvrirez bientôt! http://eoauch.fr/gasconte/

vendredi, mars 16 2012

Dançar a Montesquiu

Estagi de danças tradicionaus miat per Sidonie Landrin
Repèish tirat de la biaça, salle de la maison comuna.
12€-8€, a gràtis endeus - de 16 ans.
Inscripcions : 05 62 61 88 08 - 05 62 05 53 98 - ieodugers@gmail.com

mardi, mars 13 2012

Carnaval Gascon de L'Isla de Baish

Los 16, 17 e 18 de març L'Isla de Baish que hèsteja Carnaval !
Divendres 16
Los escolans que hèn lo Passacarrèra - Bal dambe la companhia Aristol'Auch.
Dissabte 17
10:30 Remesa de las claus de la vila - Animacion musicau per Boha qui Pòt
14:00 Passacarrèra deus mainatges de cap au Velodròme - Jòcs, danças, palhassa
Jutjament - Halhèra - Bal endeus mainatges dambe Joan-Francés CAPOU
19:00 Sala Polivalenta - Trad'apero dambe Tèrces
Repèish (reservacions : 06 75 59 72 68 / carnavalgascon@orange.fr)
21:00 - 2h30 : gran bal trad-Fòlc dambe : La Bête Noire, le duo Corbefin-Marsac e Saps

vendredi, mars 9 2012

PRIMA DEUS CONTAIRES 2012 - lo programa

Prima deus Contaires 2012 a MONTESQUIU (Montesquiou, Gers)
Dimenche 18 de març 10-17h
Estagi de danças trad dambe Sidonie Landrin, repèish tirat de la biaça, ostau de vila.12€
Dishabte 24 de març
10h30 conferéncia e signatura deu libe « La Gascogne rurale d'hier à aujourd'hui » a la biblioteca per l’autor Henri Chevalier – Entrada libra. En seguir, aperitiu sus plaça.
13h30 Inscripcions au concors
14h à 17h Concors de contaires a la sala deu baish de l'ostau de vila.
Premi deu capdau deu Conselh Generau deu Gèrs. Entrada libra.
Lo vrèspe a l'entorn deu concors :
Estagi de danças trad dambe par Sidonie Landrin a l'escòla – Entrada libra.
Espaci jòcs. Entrada libra.
17h30 Contes et Lecturas per Felip BARRÈRE a la sala de la maison comuna - Entrada libra.
18h30 Projection deu filme «adieu la casquette, adiu lo bonet» en preséncia deu realizator Freddi PEYRESAUBES
19h Remesa deus prèmis a la sala deu baish de l'ostau de vila - Vin d'aunor.
Serada a la Maison deu temps libre - entrada 7€, Estanquet ... cambiar d'ora !
20h30 Prumèra partida Felip BARRÈRE
Bal occitan (auvergnàs-gascon) dambe lo trio
Adeline Quentin, Clémence Coignet, Olivier Arnaut
Dimenche 25 de març
9h30 – 11h30 Passejada contada dambe Freddi PEYRESAUBES Participacion 2€ e tombòla (paièr gormand !)
12h La taulejada bèra : sus ua idèa deu Geors Nosella - Repèish-espectacle interactiu + Gasconte : 21€ ( -12 ans : 10€)
Tables, chefs de table et champions mettent en scène le repas sous la houlette du chef cuisinier, épluchures, découpe, émulsion, tout devient motif à jeux, à concours... A chaque étape les tables deviennent les tremplins des artistes ... Chants - contes - musique : danse - Jongleurs-escrimeurs
15h30 Prumèra deu Concèrt Gasconte per l’Ensemble Orquestrau d'Aush e l'A.C.P.P.G. (10/8€).
Gasconte c’est la rencontre entre la soixantaine de musicien de l’ensemble orchestrale d’Auch et une douzaine de musiciennes et musiciens, conteurs, chanteuses et chanteurs de l’Association pour la Culture Populaire en Pays Gascon. Ils se sont réunis autour des thèmes issus de la musique populaire, collectés pour la plupart en Gascogne gersoise, sans se priver d’y ajouter quelques rondeaux de composition contemporaine. Des morceaux, au travers desquels se sont insérés des contes, pour la plupart issus du travail sur la Lomagne par Joan-Francés Blader à la fin du XIXème siècle, dits en occitan de Gascogne ou en français.
Inscripcions au concors e au disnar-espectacle: 05 62 06 90 29 - 05 62 61 88 08 – 05 62 05 53 98 - radiopais.gers@free.fr

mercredi, février 22 2012

Papà Gahús au Cri'Art d'Aush

Divès, lo 17 de heurèr, Silvan Carrère, cantaire deu grop occitan Papà Gahús qu'èra au micro de Joan-Marc Sutto end'ua Devisada enregistrada au Cafè Gascon avant de pujar sus l'empont deu Cri'Art. Extrèit de l'entrevista :



Aqueth ausèth vengut de Bigòrra damb un ròck enrasigat en la sua tèrra e virat de cap au mond qu'ahuequèc la scèna d'Aush.
Silvan Carrère autor deus tèxtes de Papà Gahús que's reivendica autan de Massilia SoundSystem coma de Nadau ; lo son prètzhèit : balhar fotografias de la vita vitanta, testimònis deu son pòble d'auèi. Aqueste caminament quasi etnologic que passèc tanben per l'escritura d'un libe gessit de collectatges e encarelhat dambe las fotos deu Maurici Roux : "Entre vits e cèu" ençò de Nosauts de Bigòrra.

jeudi, février 16 2012

Tolosa 2012 - Programa de la manif

PRE-PROGRAMA de la jornada deu 31 de març de 2012.
Recampament Plaça de l’Euròpa (Compans Caffarelli) : Lòc de partença de la Manifestacion.

Una ficha tecnica dambe plan e totas las entresenhas necessàrias que serà mandada pro lèu a cada responsable de bus.

A comptar de 10:30 : Plaça de l’Euròpa, dubertura deu vilatge occitan :
- estands associatius, minjar, produits deu terrador…
- Tendas d’arcuelh e d’informacion
- Empont d’animacion (anóncias, presa de paraula…)

14:00 : Mesa en plaça deu cortègi e partença deu Passacarrèra.
L’itinerari : Lo cortègi que partirà de la plaça de l’Euròpa / bd Lascrosses / bd de Strasbourg / bd d’Arcole / bd Carnot / Monument aus mòrt / bd de Metz / carrèra Alsàcia-Lorena / plaça deu Capitòli.
- Arribada de la Manifestacion : Plaça deu Capitòli.
- Presa de paraula de la Coordinacion.

18:00 – FIN de la Manifestacion.

Entresenhas mei :
coordinacion.perlengaoccitana@gmail.com / 04 42 59 43 96 / 06 77 49 37 78
2012@manifestarperloccitan.com / 05 34 44 97 11

18:00 – 24:00 CONCÈRT

NADAU e LO CÒR DE LA PLANA dambe los sons convidats.

Entresenhas mei suu Concèrt : Convergéncia Occitana (Marçal Girbau)
33 (0)5 61 22 13 31 / acuelh@ostaldoccitania.net

D’occitan dins ta vida ?
Signa la CRIDA !
http://anemoc.org/node/140/signatures

Serada A.C.P.P.G.

De mancar pas !
AUSH lo 3 de març de 2012 Sala deus Cordelèrs - 21:00
Concèrt de LAURENT CAVALIÉ « Sòli solet »
Bal dambe lo DUO BROTTO-LOPEZ
Organizacion : A.C.P.P.G - 05 62 65 61 94
Aficha

Elèctro Balèti a POMPIAC (32)

Dissabte, lo 18 de heurèr
Concèrt occitan a Pompiac :
1- Tres en Gasalha bal e cantas tradicionaus occitanas
2- Lo Davi & Pytheas cant, batalèra electro orientau
3- Opulsif musica electronica
20:00, a la sala de hèsta de Pompiac (entremiei Samatan e l'Isla de Baish)
Entrada : 8€ sus plaça, 6€ en reservar ací Lé Garrèlou

Carnaval que va arribar !

DISSABTE LO 18 DE HEURÈR A AUSH
Toca manetas de Carnaval suu marcat.
Maison de Gasconha :
13:00 Cantas, aperitiu. Cosinèrs e cocassèrs que horniràn de que hèr cracar los caishaus, siatz generós !
15:00 cantas, danças e musica.
DIMENCHE LO 19 DE HEURÈR A AUSH
Har correr Carnaval !
De 12:30 enlà aus Cordelèrs : La confrairia deus cosinèrs e cocassèrs assegura de que minjar ; aprestatz la moneda !
16h Gran Bal, Huma la craba entrada a gràtis !
DIMARS LO 21 DE HEURÈR A AUSH
Rendètz-vos aus Cordelèrs a comptar de 19:00 entau jutjament de Dimars-Gras! E serà la fin de Carnaval ?
De tot biais, la halhèra que serà alucada sus las alèas d'Etigny a 20:00.

DIMENCHE LO 19 DE HEURÈR A BIRAN
Carnaval organizat per TADRELANKA
13:30 : aplec a Tadrelanka, passa-carrèra e cremacion.
16:00 : Bal de caretas dambe Tres en gasalha sus l'empont !

vendredi, novembre 18 2011

Concèrt a GISCARÒ

Cantas polifonicas tradicionaus occitanas a Giscarò (au ras de Gimont) lo dissabte 19 de noveme a 9 oras deu ser.
Dambe la Corala deus Pastorets de Saramon e Canta L'Isla de L'Isla de Baish devath la direccion de Stéphanie Barbier.
Lo concèrt que's debana en la glèisa (cauhada !).
Entrada : 10€ + 1 dequé (minjar o/e béver), a gratis dinc a 16 ans.
En seguir lo concèrt, repèish a la sala de hèsta.
Organizacion : comitat de hèsta - Entresenhas au 06 88 05 69 74

mercredi, octobre 26 2011

Enquèsta socio-lingüistica a l'entorn de la lenga occitana en Mieijorn-Pirenèus

Divès, lo 28 d'octòbre a 7 oras e mièja deu ser, Max Bajolle, enquestaire peu compte de la Region, que serà au micro de Ràdio País au Cafè Gascon.
La devisada que tornerà sus las condicions deu debanar de l'enquèsta suu terrenh e que permeterà de har lo punt sus la sintèsi dejà publicada peu Conselh regionau lo 29 de seteme. Los resultats, en particular los deu Gèrs, que haràn l'objècte d'ua restitucion publica lo 8 de noveme per Philippe Martin, President deu Conselh generau.
Au parat d'aquera enquèsta, 5000 abitants de Mièijorn-Pirenèus (1000 deu Gèrs) que son estats questionats.
Devisada enregistrada en public e difusada sus las ondas de Ràdio País.

Une charte de coopération interrégionale et transfrontalière de développement de la langue occitane

Diluns, lo 24 d'octòbre Lo Conselh regionau d'Aquitània qu'adoptèc la carta aquesta ; çò qui constituís ua prumèra en mestior de politica lingüistica en favor de la lenga occitana.
La "Charte de coopération interrégionale et transfrontalière de développement de la langue occitane ou langue d'Oc" que serà lèu adoptada per tres regions mei : Mieidia-Pirenèus, Lengadòc-Rosselhon e Ròse-Aups qui participèn a la sua elaboracion.
Los autes partenaris mobilizats : las Regions Auvèrnha, Lemosin, Peitau-Charentas, Provença-Aups-Còsta d’Azur, Ròse-Aups, la Generalitat de Catalunya, la Regione Piemonte e lo Conselh generau d’Aran.

lundi, janvier 31 2011

Un clip deu Super Jambont!

Lo purmèr clip d'ua longa seria ! De har córrer !!

Le premier clip d'une longue série ! A faire suivre !!

Mercés.

http://www.dailymotion.com/video/xgtka3_une-politique-ambitieuse_news

vendredi, janvier 28 2011

Planvenguda suu Blog de Ràdio País Gèrs!

Que'ns podetz deishar un comentari o nos escríver a radiopais.gers@free.fr

Adeishatz!